“Microsoft” korporatsiyasi bitta rasm asosida video yarata oladigan yangi “VASA-1” neyron tarmog‘ini taqdim etdi.

Foydalanish uchun rasm va audioni taqdim etish kerak. Algoritm tabiiy yuz ifodalari va turli xil his-tuyg‘ularga ega bo‘lgan gapiradigan odamni yaratadi.

Taqdim etilgan misolda “Microsoft” Mona Liza nutqini yaratdi va ishlab chiquvchilar neyron tarmoqning asosiy farqini bosh harakati va yuz ifodalarini yaratish uchun yaxlit model deb atashadi.

Ularning hisob-kitoblariga ko‘ra, yangi neyron tarmoq avval taqdim etilgan hamkasblaridan sezilarli darajada ustundir.

Video 512×512 piksellar sonida sekundiga 40 kadr tezlikda, biroz boshlang‘ich kechikish bilan mavjud.

Kompaniyaning fikricha, neyron tarmoq suhbat davomida inson xatti-harakatlariga taqlid qiluvchi real avatarlarni yaratishga yordam beradi.

Biroq ular firibgarlar tomonidan chuqur soxta videolar yaratishda foydalaniladi, degan qo‘rquv tufayli mahsulotni yaqin kelajakda bozorga chiqarishni rejalashtirmayapti.

Avvalroq “Spot” “Microsoft” “Windows"ga rasmlarni tahrirlovchi sun’iy intellekt vositasini qo‘shishi haqida yozgandi.

Sun’iy intellekt vositasi “Windows” 10/11 tizimida tasvirlardan ortiqcha jismlarni olib tashlash imkoniyatini beradi.