![Detail image](https://dnews.uz/img/assets_front/img/news/sof/sof640c7063e4f32.png)
Yahoo Finance маълумотларига кўра, дунёдаги энг йирик электрон тижорат платформаси Amazon апрель ойи охирида криптографик NFT-токенларини сотиш платформасини ишга туширишни режалаштирмоқда.
Ўз ишини 24 апрелда бошлаши керак бўлган маркет Amazon сайтидан 15 та NFT тўпламини таклиф қилади. Мижозлар реал активларга боғланган токенларни сотиб олишлари мумкин бўлади.
Amazon'да NFT сотиб олиш учун сизга крипто ҳамёнлар керак эмас.
"Amazon 200 миллиондан ортиқ обуначиларга яхши таниш ва ишончга кирган. Шундай қилиб, компания Web3 билан танишиш учун ишончли воситачига айланиши мумкин", нашрда Liberty Blockchain лойиҳаси жамоатчилик билан алоқалар директори Кристофер Александрнинг сўзларидан иқтибос келтирган.
У, шунингдек, Amazon ҳозирда Америка Қўшма Штатларида оғир кунларни бошдан кечираётган крипто саноатига лоббичилик ҳиссасини қўшиши мумкинлигини таъкидлади.
Аввалроқ NFT бозорларининг ишга туширилиши ҳақида GameStop компьютер ўйинлари чакана савдоси тармоғи ва Reddit ижтимоий тармоғида эълон қилган эди.
Амазон – Америка компанияси, дунёдаги энг йирик электрон тижорат платформаси. 1994 йилда онлайн китоб дўкони сифатида ташкил этилган эди.