![Detail image](https://dnews.uz/img/assets_front/img/news/sof/sof640c70656aca8.jpg)
Америка банки Silicon Valley Bank (SVB) банкрот бўлди. SVB 2008 йил инқирозидан бери 15 йил ичида муваффақиятсизликка учраган энг йирик банк бўлди. Бу ҳақда Bloomberg ёзмоқда.
Муваффақиятсиз банк Қўшма Штатлардаги энг йирик 16-банк ва технологик стартап саноатидаги энг таниқли кредиторлардан бири эди. Маълум қилинишича, бир йил аввал у 40 миллиард долларга баҳоланган, капиталлашуви эса тез суръатлар билан ўсиб бораётган эди.
Silvergate Bank ёпилгандан сўнг, бозор ташвишлари фонида инвесторлар саноат акцияларини тез сотишни бошладилар, хусусан, улар SVB каби банкларнинг акцияларидан халос бўлишни бошладилар.
Бундан ташқари, март ойида SVB мижозлари ўз ҳисобварақларидан катта миқдордаги маблағларни ечиб олишни бошладилар, бу эса банкни фавқулодда чоралар кўришга ундади.
АҚШ Молия вазирлиги АҚШнинг энг йирик банки банкрот бўлиши фонида мамлакат молия тизими барқарор эканлигига ишонтирди, деб ёзади Bloomberg. Оқ уй ҳам воқеага муносабат билдирди ва 2008 йилдан бери АҚШнинг молиявий тизими сезиларли даражада ўзгарганини таъкидлади.