Бугун, 6 январь куни Тошкентдан учган иккита самолёт туман туфайли белгиланган аэропортларга қўна олмади. Бу “Uzbekistan Airways” АЖ Матбуот хизмати хабар берди.

Қайд этилишича, туман ва кўришнинг етарли даражада эмаслиги муносабати билан HY-051 Тошкент – Урганч рейси Нукус аэропортига келиб қўнган.

Шунингдек, HY-065 Тошкент –Термиз рейси Тошкент аэропортига қайтиб келмоқда. 

Эслатиб ўтамиз, кеча 5 январь куни авиакомпания Қозоғистондаги вазият туфайли Қозоғистоннинг Ақтау шаҳрига парвозларни бекор қилганди.