Хабар берганимиздек, Бирлашган Араб Амирликларининг Ал-Айн шаҳрида стол тенниси бўйича ўтказилган “WTT Youth Contender Ал Ain – 2023″ халқаро турнирида юртимизнинг кичик ракетка усталари муваффақиятли иштирок этди.

Кеча мусобақанинг сўнгги кунида ҳам бир қатор ёш тоифаларида баҳслар бўлиб ўтди.

Мусобақалар якунига кўра, терма жамоамиз аъзоларидан 19 ёшли қизлар ўртасида Марҳабо Магдиева, 11 ёшлилар орасида Алихон Камолов, 12 ёшлилар ўртасида Элеонора Шириева бронза медалларига эга чиқди.

Эслатиб ўтамиз, мазкур халқаро турнирнинг илк кунларида 19 ёшли спортчилар ўртасидаги мусобақаларда ҳамюртимиз Шоҳрух Искандаров кумуш медалга мушарраф бўлганди.

Шу тарзда терма жамоамиз аъзолари “WTT Youth Contender Ал Ain –  2023″ халқаро турнирини 1 та кумуш, 3 та бронза медаллари билан якунлади.

МАНБА:ЎзА