2024-2025-ўқув йили учун академик лицейларга кириш тест синовлари 25-июл куни иккинчи сменада (фақат Тошкент шаҳрида) ва 26-июл куни икки сменада (барча ҳудудларда) бўлиб ўтади. Бу ҳақида Билим ва малакаларни аниқлаш агентлиги хабар берди.

Бунда:

1-смена — 09:00 да;
2-смена — 15:00 да бошланади.

Тест синовлари таълим йўналишига мос 2 та фан ва интеллектуал қобилият даражаси  (IQ)ни аниқлаш бўйича ўтказилади.

Талабгорларга ҳар бир фандан 20 тадан жами 60 та тест топшириғи ва уларни бажариш учун жавоблар варақасини тўлдириш билан бирга 2 соат вақт ажратилади.

Талабгорлар қачон, қаерда тест синовида иштирок этишини my.edu.uz сайти орқали шахсий кабинетидан билишлари ва рухсатномани юклаб олишлари мумкин.https://my.edu.uz

Талабгорлар тест синови ўтказиладиган ҳудудга тест синови бошланишидан камида 1 соат олдин шахсини тасдиқловчи ҳужжат ва тест синовида иштирок этиш учун рухсатнома билан келишлари лозим.