Тошкент: +25.9
Rossiya armiyasi Odessaga raketa zarbasi berdi. Oqibatda to‘rt kishi halok bo‘lgan, 28 kishi jarohatlangan. Bundan tashqari, rossiyaliklar KAB bombalari yordamida Xarkovga zarba berdi.
Rossiya kuchlari Odessaga yangi raketa hujumini amalga oshirdi. Natijada, 29 aprel, dushanba kuni kechqurun to‘rt kishi — uch ayol va bir erkak halok bo‘ldi, deb yozdi shahar meri Gennadiy Truxanov va Odessa viloyati harbiy boshqarmasi (VHB) rahbari Oleg Kiper Telegram’da.
28 nafar yaralanganlar orasida ikki bola ham bor
VHB raisi, shuningdek, raketa hujumi oqibatida 28 kishi, jumladan, 5 va 16 yoshli ikki bola, shuningdek, homilador ayol jarohatlanganini aytdi. «To‘rt nafar yaradorning ahvoli og‘ir, shifokorlar hozir ularning hayoti uchun kurashmoqda», — dedi u. Kiperning so‘zlariga ko‘ra, zarba berilgan joyda favqulodda xizmatlar ishlamoqda. Raketa hujumi natijasida turar joy binolari va fuqarolik infratuzilmasi zarar ko‘rdi.
Ayni paytda, Odessa VHB jamoat kengashi rahbari Sergey Bratchuk Odessaga ballistik raketa bilan zarba berilganini aytdi. «Raketa kassetali tipdagi jangovar kallakka ega edi», - dedi u. Bratchukning so‘zlariga ko‘ra, prokuratura urush qonunlari va urf-odatlarini buzish holatlari yuzasidan tekshiruv boshlagan.
Shu kuni Rossiya Xarkivning Kiyev tumaniga, shuningdek, Xarkiv tumaniga kamida beshta KABdan foydalangan holda zarba berdi, 42 yoshli mahalliy aholi vakili yaralandi. U portlash va bomba parchalaridan jarohatlar bilan kasalxonaga yotqizilgan, dedi Xarkiv VHB boshlig‘i Oleg Sinegubov.
