O‘zbekistonda 2023 yilda 9 839 ta YTH sodir etilib, ularda 2 282 nafar fuqaro, jumladan 263 nafar bola halok bo‘lgan.

AQShning O‘zbekistondagi elchisi Jonatan Xenik avtomobil haydovchilari va yo‘lovchilarini xavfsizlik kamarini taqishni unutmaslikka chaqirdi.

“Odamlar avtoulovga o‘tirganda erinmasdan xavfsizlik kamarini taqib olishganda, ehtimol ularning aksariyati omon qolgan bo‘lardi!” - deb yozadi elchi X ijtimoiy tarmog‘idagi sahifasida. 

Unga ko‘ra, bolaligi paytida kamdan-kam amerikaliklar xavfsizlik kamaridan foydalangani. Hozirda amerikaliklarning 90 foizdan ortig‘i xavfsizlik kamarlaridan foydalanadi. 

Hisob-kitoblarga ko‘ra, xavfsizlik kamarlaridan foydalanish natijasida 375 000 dan ziyod odamning hayoti saqlab qolingan. Shunchaki xavfsizlik kamarini taqish baxtsiz hodisada halok bo‘lish yoki jarohat olish ehtimolini 40-50 foizga kamaytiradi. 

O‘zbekistonda 2023 yilda 9 839 ta yo‘l-transport hodisasi sodir etilib, ularda 9 209 nafar fuqaro jarohatlangan va 2 282 nafar fuqaro halok bo‘lgan. 

2023 yilda bolalar bilan bog‘liq 1 794 ta yo‘l-transport hodisasi sodir etilib, ularda 1 568 nafar bola jarohatlangan va 263 nafar bola halok bo‘lgan.