![Detail image](https://dnews.uz/img/assets_front/img/news/daryo/daryo63936a8906cbe.jpg)
Айни вақтда Президент Администрацияси раҳбари Сардор Умурзоқов раислигида аҳоли ва иқтисодиёт тармоқларини энергия ресурслари билан мутаносиб таъминлаш масалаларини тезкор ва тизимли ҳал этиб бориш мақсадида ташкил этилган Республика штабининг навбатдаги йиғилиши ўтказилмоқда.
Йиғилишда ҳозирги вазият танқидий-таҳлилий кўриб чиқилиши, қилинган амалий ишлар ҳақида масъулларнинг ҳисоботлари тингланиши, шунингдек, ҳолатни янада барқарорлаштириш мақсадида янги чора-тадбирлар маълум қилинмоқда.
Сардор Умурзоқов икки кундан буён ҳудудларда ва мутасадди вазирликларда штаблар фаолияти кўрсатаётганини таъкидлаб, бироқ, амалий ишлар билан биргаликда жойларда қатор муаммо ва камчиликлар ҳануз кузатилаётганини айтди.
«Газ қувурларида босимнинг меъёрдан пастлиги сабабли республика бўйича жами 462 та маҳалладаги қарийб 62 минг та хонадонга табиий газ етиб бормаяпти. Энг ачинарлиси, вақтинчалик чекловлар киритилган бўлишига қарамай, газдан ноқонуний фойдаланиш ҳолатлари учрамоқда.Таъкидланишича, бу — истеъмолчи куз-қиш мавсумида табиий газдан ажратилиши белгиланган бўлишига қарамасдан, «Ҳудудгаз Пойтахт» газ таъминоти филиали томонидан табиий газ етказиб берилаётганлиги аниқланган. Бундай ҳолат қолган барча ҳудудларда ҳам мавжудлиги айтилди.Жумладан, биргина Жиззах вилоятида ўтказилган тезкор тадбирларда бир кунда 4 та корхонада табиий газдан ноқонуний фойдаланиш ҳолатлари аниқланган.
Шунингдек, Тошкент вилояти, Юқори чирчиқ туманида жойлашган «BEAUTY GLASS ДЕCОР» шишани қайта ишлаш корхонаси 2 дона шиша қайта ишлаб печларида табиий газдан фойдаланиб келмоқда. Кунлик табиий газ истеъмоли 7 000 метр кубни ташкил қилади», — дейди Президент Админстрацияси раҳбари.
Ҳудудларга бириктирилган ҳуқуқни муҳофаза қилиш органлари раҳбарлари жойлардаги ҳар бир корхона ва ташкилотларга кириб, газдан ноқонуний фойдаланиш ҳолатларини аниқлаш ва уларни тезкор бартараф этиш чораларини кўриш бўйича топшириқ берилди.
Таъкидланишича, Олмалиқдаги ғишт заводи «счётчик»ларни нол қилиб қўйиб, ноқонуний газга уланган. Вилоят прокуратураси Президент Админстрациясига чиқиб, «газни ўчирмайлик» деган.
«Вилоят прокуратурасининг манфаати борми бундай ноқонуний уланишга? Ҳалиги ғишт заводининг Ангренда ҳам филиали бор экан. Мирзамаҳмудов бошчилигадаги Комиссия Олмалиққаа келганини эшитиб, дарров Ангрендаги завод ёпилган. Ушбу ҳолат ҳақиқатан ҳам аниқланса, барча ҳуқуқий баҳо берилиб, жиноий жавобгарликка тортилади. Бундайларни орқасида кимлар турганини, албатта, топамиз. Ҳоким, прокурор ёки солиқчими, ким бўлса ҳам тадбиркор билан тил бириктирганми ёки бепарво бўлганми — жавобгарликка тортилади!», — дейди Сардор Умурзоқов.