Португалия терма жамоаси ҳужумчиси Гонсалу Рамуш бир нечта топ-клублари қизиқишига сабаб бўлмоқда.

Jornal de Noticias нашрининг хабар қилишича, «Бенфика» футболчини қишки трансфер ойнасида сотиш истагида эмас. Потенциал харидорлар Рамушни қўлга киритмоқчи бўлса шартномада кўрсатилган товон пулини тўлашига тўғри келади.

21 ёшли футболчининг «Бенфика» билан битимида 120 миллион евролик товон пули ҳақидаги банд бор. Клуб айни вақтда бундан кам миқдордаги пулга рози бўлмоқчи эмас. Қайд этиш керак, ёзда португал клуби Рамушни 40 миллион евро эвазига сотишга тайёр эди.

Форвард билан боғлиқ вазиятни «Ювентус», «Манчестер Юнайтед», «Бавария», «Ньюкасл», «ПСЖ» ва «Вулверҳэмптон» клублари кузатиб бормоқда.

Гонсалу Португалия терма жамоасининг ЖЧ—2022 нимчорак финали доирасида Швейцарияга қарши кечган ўйинида (6:1) асосий таркибда Криштиану Роналдунинг ўрнини эгаллади ва ўша баҳсда учта гол ҳамда битта ассист муаллифига айланди. Мағлубият билан тугаган чорак финал ўйинида (Марокашга қарши 0:1) ҳам Рамуш асосий таркибда тушди, бироқ самарали ҳаракат амалга ошира олмади.

Футболчи жорий мавсум Португалия чемпионатида 11 та ўйин ўтказиб, 9 та гол уришга эришди.

Мавзуга доир: Гонсалу Рамуш мундиалда 32 йиллик натижани такрорлади