Ижтимоий тармоқда Поп туманида Lacetti автомобилида ёнғин юзага келгани ҳақида видео тарқалди. Ҳолат бўйича ЙҲХББ маълумот берди.

Дастлабки маълумотларга кўра, 2022 йил 4 январь куни соат 19:30 ларда Наманган вилояти, Поп тумани ҳудудидан ўтган А-373 автомобиль йўлининг 284-километрида ҳаракатланиб кетаётган Lacetti автомобилининг двигатель қисмида қисқа туташув ва унинг ортидан ёнғин юзага келган. Ҳайдовчи автомобилни зудлик билан тўхтатган.

Ёнғин ўт ўчирувчилар томонидан бартараф этилган. Ёнғин оқибатида тан жароҳати олган фуқаролар йўқ. Автомобилга зарар етган.

Ушбу ҳодиса юзасидан туман ФВБ ва ЙҲХБ ходимлари томонидан суриштирув олиб борилмоқда.