Португалия терма жамоаси ҳужумчиси Криштиану Роналду ЖЧ—2022 чорак финали доирасида Марокашга қарши ўйиндаги мағлубиятдан (0:1) кейин ижтимоий тармоқда мундиал кечинмалари билан ўртоқлашди.

Португалия сафида Жаҳон Чемпионатини ютиш менинг фаолиятимдаги энг катта ва муҳим орзу эди. Шукурки, халқаро майдонда кўплаб совринлар ютдим, шу жумладан Португалия сафида ҳам. Бироқ мамлакатимиз номини дунёнинг энг юқори даражасига олиб чиқиш менинг энг катта орзум эди.

Бунинг учун курашдим. Орзум учун тинмай курашдим. 16 йил ичида бешта Жаҳон Чемпионатида қатнашдим, буюк футболчилар билан бирга ва миллионлаб португалияликлар қўллаб-қувватлаши остида тўп сурдим. Боримни бердим, майдонда бор кучим билан ҳаракат қилдим ва ҳеч қачон бу орзудан воз кечмадим.

Афсуски, кеча орзу барбод бўлди. Қизиққонлик билан реакция билдиришдан фойда йўқ. Шунчаки барча билиб қўйишини истайман: кўп гапирилди, кўп ёзилди, жуда кўп миш-миш, бироқ менинг Португалияга бўлган содиқлигим бир лаҳзага бўлса ҳам ўзгармади.

Умумий мақсад учун курашганлардан бири бўлдим. Ҳеч қачон жамоадошларим ва мамлакатимдан юз ўгирмадим.

Ҳозир бошқа айтадиган гап қолмади. Португалияга раҳмат. Раҳмат, Қатар. Орзу йўли давом этаётганда вақтда ҳаммаси ажойиб эди... Энди вақт меҳрибон маслаҳатчига айланиб, барча учун керакли сабоқлар беришини кутиш қолди.

Криштиану Роналду, футболчи