Уч йиллик танаффусдан сўнг Тошкент – Жакарта – Тошкент йўналишидаги рейслар тикланмоқда.  Бу ҳақда Uzbekistan airways хабар бермоқда.

Тўғридан-тўғри мунтазам авиақатновлар 2023 йилнинг 26 апрелидан бошлаб ҳафтада бир марта, чоршанба кунлари амалга оширилади. Таъкидланишича, Жакартадан Индонезиянинг Бали оролига қулай туташув рейслари мавжуд.

Авиақатновлар замонавий ҳамда қулай Dreamliner 787 ҳаво кемасида амалга оширилади.