Эроннинг собиқ президенти Маҳмуд Аҳмадинежад Эрондаги президентлик сайловида иштирок этиш учун рўйхатдан ўтди. Бу ҳақда “Reuters” хабар берди.

Аммо, Аҳмадинежад “пойгадан“ четлатилиши мумкин: Ҳаманаий назоратидаги 12 аъзолик Кенгаш 11 июн куни номзодларнинг якуний рўйхатини эълон қилиш истагида бўлган барчани текширади. Аҳмадинежад илк бор 2005 йилда Эрон президенти этиб сайланган ва 2013 йилда муддат чекланганлиги сабабли истеъфога чиққан. Собиқ президентнинг 2021 йилги сайловда қатнашиш уриниши расмийлар томонидан рад этилган эди.

Ундан ташқари Эроннинг собиқ соғлиқни сақлаш ва тиббий таълим вазири ва парламент аъзоси Масуд Пезешкиан, спорт ва ёшлар ишлари бўйича собиқ вазири ўринбосари Аҳмад Расулинежод, Демократик партия бош котиби Мостафа Кавакебян ва мамлакат парламентининг амалдаги депутатлари ва бошқалар ўз номзодларини илгари сурди.