Португалия терма жамоаси ҳужумчиси Криштиану Роналду миллий терма жамоа Евро-2024 дан кетганидан сўнг ўзининг Instagram саҳифасида мухлисларга мурожаат қилди.

"Биз кўпроқ нарсани хоҳладик. Биз яхшироғига лойиқмиз. Португалия учун. Бизга берган барча нарсаларингиз ва шу пайтгача эришган барча нарсаларингиз учун миннатдормиз. Ишончим комилки, майдонда ҳам, унинг ташқарисида ҳам бу мерос шарафланади", - деб ёзди 39 ёшли Роналду.

Эслатиб ўтамиз, Португалия бир кун аввал чорак финалда Францияга пенальтилар сериясида мағлуб бўлди.

Роналду Европа чемпионатидаги 30-учрашувини ўтказиб, ўз рекордини янгилади. У ҳозирги Евро унинг учун охиргиси бўлишини аллақачон айтган.