Ўзбекистон, Тошкент – Batafsil.uz. Ўзгидромет келаётган дам олиш кунларининг батафсил об-ҳаво башоратини тақдим қилган. Кундузи ҳаво ҳарорати 40-45 даража атрофида, жанубда ва чўл зоналарида баъзи жойларда 47даражагача бўлиши кутилмоқда. Бу ҳақда мухбиримиз хабар бермоқда.

“Бугун ва дам олиш кунлари мамлакатимиз ҳудудига Эрон ҳудудларидан жуда иссиқ ва қуруқ ҳаво кириб келиши давом этади. Ушбу кунларда ҳарорат фони иқлимий меъёрлардан 5-7^о га юқори бўлади”,- дея таъкидлашмоқда синоптиклар.

Кундузи ҳаво ҳарорати 40-45^о атрофида, жанубда ва чўл зоналарида баъзи жойларда 47^о гача бўлиши кутилмоқда.

“Қуёш урушини олдини олиш мақсадида куннинг иккинчи ярмида тўғридан-тўғри қуёш нурлари остида бўлмасликка ҳаракат қилинг”, - дея огоҳлантиришмоқда мутахассислар.

Республиканинг айрим жойларида шамол 15-20 м/с гача кучайиши, баъзи жойларда чанг-тўзонлар билан кузатилиши кутилмоқда.

Қирғизистон ҳудудидан Фарғона вилоятининг тоғ олди ва тоғли ҳудудлари бўйича музли сел-сув тошқин ҳодисалари юзага келиши мумкин.

Ўзбекистон бўйлаб янгиликлар: Telegram-каналга уланинг