Ўзбекистон, Тошкент – Batafsil.uz. Ноткоинларни сотгани учун йигит 10 суткага маъмурий қамоқ жазосига ҳукм қилинган. Криптоактивларни сотиш учун иштатилган телефони йўқ қилиниши керак. Бу ҳақда мухбиримиз хабар бермоқда.

2024 йил 23 июлда Жиноят ишлари бўйича Чилонзор тумани суди Notcoin криптоактивини ноқонуний сотган 21 ёшли фуқаронинг ишини кўриб чиққан. У телефон ва пластик картадан фойдаланган ҳолда криптоактивлар билан ноқонуний операцияларни амалга оширганликда айбланган.

Йигит Телеграмда криптоактив тўплаганини ва 20 минг дона Notcoinни 150 долларга сотганини тасдиқлаб, айбини тан олган. У криптовалюта айланмаси учун жавобгарликни билмаслигини ва қонунни бузмасликка ваъда берганини айтиб, юмшоқроқ жазо сўраган.

Суд Маъмурий жавобгарлик тўғрисидаги Кодекснинг 155 – моддаси биринчи қисмига (компьютер тизимидан фойдаланиш қоидаларини бузиш) амал қилиб, енгиллаштирувчи ва оғирлаштирувчи ҳолатларни ҳисобга олган ҳолда 10 кунлик маъмурий камоқ жазосини тайинлаган. Шунингдек, қабул қилинган амалиётга кўра, жиноят воситаси йўқ қилиниши керак, шунинг учун йигитининг Redme Notе 9 русумли телефони мусодара қилинади.

Умуман олганда, ҳуқуқбузар озодликдан маҳрум қилишнинг ҳар бир куни учун базавий ҳисоблаш миқдорининг 15 фоизини, жами 510 минг сўмни тўлаши шарт.

Эслатиб ўтамизки, миллий, лицензияланган хизмат кўрсатувчи провайдерлар платформаларидан ташқарида криптоактивлардан фойдаланиш қоидабузарлик ҳисобланади.