Ўзбекистон, Тошкент – Batafsil.uz. Ҳукуматнинг 25 июндаги қарори билан “Тазйиқ ва зўравонликка учраган хотин-қизлар ва уларнингвояга етмаган фарзандларига ижтимоий хизмат кўрсатишнинг маъмурий регламенти” тасдиқланган.
Тазйиқ ва зўравонликдан жабрланган шахслар қуйидаги шаклларда мурожаат қилишлари мумкин:
-
“Инсон” ижтимоий хизматлар марказлари ёки ижтимоий ходимга;
-
ички ишлар органлари навбатчилик қисмининг “102” телефон рақамларига ёки бевосита профилактика инспекторларига;
-
“112” ягона диспетчерлик хизмати ҳамда 1146 қисқа рақамли “ишонч телефони”га.
Мурожаат бўйича 24 соат ичида қуйидагилар амалга оширилади:
-
хотин-қизлар фаоли ва маҳалладаги профилактика инспектори томонидан тазйиқ ва зўравонликни содир этган шахс билан суҳбат ўтказилади;
-
ижтимоий ходим хотин-қизлар ва уларнинг вояга етмаган фарзандларининг ҳолатини дастлабки тарзда баҳолаш чораларини кўради;
-
профилактика инспектори хотин-қизларга ҳимоя ордери расмийлаштирилади ҳамда заруратга кўра бирламчи кўмак хоналарига жойлаштириш учун тегишли далолатномани расмийлаштиришга доир чораларни кўради;
-
ижтимоий ходим ва профилактика инспектори томонидан хотин-қизлар ва уларнинг вояга етмаган фарзандлари уларнинг розилиги асосида бирламчи кўмак хонасига жойлаштирилади.
Эслатиб ўтамизки, Тошкентда Қозоғистон намунасига кўра "Оналар уйи" очилади.