Ўзбекистон, Тошкент – Batafsil.uz. Тошкентдан сўнг вилоят марказларида ҳам ҳайдовчилик гувоҳномаларини алмаштиришнинг “сўнгги мижозгача” тартиби жорий қилинган. Бу ҳақда мухбиримиз хабар бермоқда.

Эндиликда Фарғона, Марғилон, Қўқон, Бухоро, Самарқанд, Жиззах, Термиз, Қарши, Гулистон, Наманган, Хива ва Навоий шаҳарлари, Андижон, Шаҳрисабз, Қоракўл туманларидаги Давлат хизматлари марказларида ҳам ҳайдовчилик гувоҳномаларини алмаштириш учун "сўнги мижозгача" узайтирилган иш тартиби жорий қилинган.

Ҳайдовчилар душанбадан жумагача соат 9:00дан кечгача ва шанба куни соат 09:00 дан 13:00гача миллий ҳайдовчилик гувоҳномасини алмаштириш хизматидан фойдаланишлари мумкин.

Эслатиб ўтамизки, эски ҳайдовчилик гувоҳномаси қуйидаги муддатларда янгисига билан мажбурий алмаштирилиши керак:

• 2010 йилгача берилганлар –2022 йил 31 мартгача

• 2010-2012 йилларда берилганлар - 2022 йил 30 июнгача

• 2013-2015 йилларда берилганлар -2022 йил 30 сентябргача

• 2015 йилдан кейин берилганлар –2022 йил 31 декабргача