Ўзбекистон, Тошкент – Batafsil.uz. Ўзбекистонлик аёл 3 миллиард долларга баҳоланган африкалик амакисининг меросини олиш учун уйини сотган ва нигериялик фирибгарларга бериб қўйган. Бу ҳақда мухбиримиз хабар бермоқда.

Ўзбекистонлик аёл Нигерияда уни кутаётган мерос ҳақида "бахт мактуби"ни олган. Ўзбекистонга пул юбориш учун фирибгарлар "меросхўр" дан чегарани кесиб ўтолмасликларини даъво қилиб, маълум миқдорда пул сўрашган.

Ўшанда аёл ўз уйини сотган ва нигериялик фирибгарларга 90 минг доллар берган. Пулни қўлга киритгандан сўнг, фирибгарлар изсиз ғойиб бўлишган ва содда аёл ҳали ҳам Африкадан ўз меросини кутмоқда.

"Содда бўлманг, огоҳ бўлинг! Сизни кўп пул кутаётгани ёки соврин ютганингизни эшитиб қолсангиз, асло ишонманг", – дея огоҳлантиради Ўзбекистон Ички ишлар вазирлиги ҳузуридаги Киберхавфсизлик маркази.

Эслатиб ўтамизки, Тошкентда яшовчи 23 ёшли қиз бошқа мамлакатдан келган "бой куёв" билан танишганилиги ҳақида мухбиримизга ҳикоя қилган эди.