АҚШ Конгресси томонидан қабул қилинган ҳарбий пакетдан ёрдам аллақачон Украинага кела бошлади, деди президент Зеленский бугун Киевга келган НАТО бош котиби Йенс Столтенберг билан қўшма брифингда.

"Баъзи нарсалар аллақачон кела бошлаган, мен аниқ нима эканлигини батафсил айтмайман. Афсуски, армиямизни тўлдириш ва тегишли миқдордаги бригадаларни жиҳозлаш учун ҳали ҳаммаси тайёр эмас”, — дея Зеленскийнинг сўзларидан иқтибос келтиради «Укринформ».

Жанг майдонидаги вазият бевосита Украинага ўқ-дорилар етказиб бериш тезлигига боғлиқ, деди Зеленский.

«Хавфсизлик кафолати ҳужжатларига келсак, улар бизга ҳақиқатан ҳам катта ёрдам берди. Улар, айниқса, биз Америка Қўшма Штатларидан ёрдам кутаётган бир пайтда ёрдам беришди. Ўйлайманки, сиз ҳаво мудофааси нархини тушунасиз. Сўнгги олти ой ичида тизимлар ёки баъзан тегишли тизимларнинг қисмлари хавфсизлик кафолатлари бўйича тўққизта келишувда кўзда тутилган маблағ эвазига олинди», — дея қўшимча қилди Зеленский.