Украина Қуролли кучлари Россиянинг Жанкойдаги ҳарбий объектига зарба берди, нишон аэродром бўлган, дея маълум қилди Украина президенти Владимир Зеленский ўз Телеграм-каналида.

Қрим ҳукумати ва Россия Мудофаа вазирлиги Жанкойдаги ҳарбий аэродромга берилган зарба ҳақида хабар қилмади. 17 апрель куни эрталаб Қримдаги Победное қишлоғи яқинидаги Жанкой—Феодосия автомобиль йўлининг бир қисми ёпиб қўйилди, аммо сабаблар очиқланмади. Ушбу қишлоқ Жанкойга яқин бўлиб, шаҳар билан унинг ўртасида ҳарбий аэродром жойлашган.