Американинг Illumination ва Universal Pictures компаниялари томонидан тақдим этилган “Яхши бўлиш осонми 4” анимацион комедияси Шимолий Америка ва хорижий давлатларда 3 июль куни дебют қилиб, дам олиш кунларининг ўзида 229,5 миллион доллар касса даромадларига эга бўлди.

Жами йиғилган маблағнинг 112,6 миллион доллари АҚШ томошабинларига тегишли, чунки яқинда Америка аҳолиси ўзининг Мустақиллик куни байрами муносабати билан беш кун дам олган. Бошқа хорижий давлатлардан келган тушум 34 миллион доллардан 107 миллион долларга чиқди.

“Яхши бўлиш осонми 4” мультфильмининг бюджети 100 миллион долларни ташкил этган бўлиб, лойиҳа сюжети Грю ва унинг турмуш ўртоғи Люси, шунингдек, қаҳрамонлар оиласининг янги саргузаштлари ҳақида ҳикоя қилади. Улар маккор ва ёвуз Максим ҳамда унинг севгилиси Валентина билан тўқнаш келади.

Фильм режиссёрлигига “Яхши бўлиш осонми 2”, “Минионлар” картиналарини суратга олган Крис Рено қайтди. Ролларга Стив Карелл, Кристен Уиг, Уилл Феррелл, София Вергара ва бошқа актрёрлар овоз берди.