Бутунжаҳон бокс ассоциацияси (WBA)нинг маълум қилишича, америкалик Теренс Кроуфорд бошқа вазнга ўтаётгани сабаб яримўрта вазн (-66,7 кг) тоифасидаги камаридан маҳрум қилинмайди.
Эслатиб ўтамиз, Кроуфорд 3 август куни Лос-Анжелесда биринчи ўрта вазн тоифасидаги (-69,9 кг) чемпион ҳамюртимиз, WBA камари соҳиби Исроил Мадримовга қарши жанг қилади.
Ўша жангдан сўнг беш кун ичида Кроуфорд қайси вазн тоифасида фаолиятини давом эттиришини маълум қилиши керак бўлади.