Украина аллақачон Испания ва бошқа Ғарб иттифоқчилари томонидан юборилган Patriot зенит-ракета тизимлари учун ракеталарни олган. Бу ҳақда Испания мудофаа вазири Маргарита Роблес маълум қилди, дея хабар беради El Mundo газетаси.

Қайд этилишича, мудофаа бошқармаси бошлиғи тақдим этилган ракеталар сонига аниқлик киритмаган.

"Украина ўз яхлитлигини ҳимоя қилади, инсон ҳаётини ҳимоя қилади, бу ракеталар ҳаво ҳужумидан мудофаа учун зарур ва улар Украина учун ўзини ҳужумлардан ҳимоя қилиш учун мўлжалланганлиги жуда аниқ бўлиши керак", деди Роблес.

Яқинда Испания Мудофаа вазирлиги Украинага Patriot ракеталарини юборишини маълум қилди. Тегишли маълумотни бўлим бошлиғи Маргарита Роблес "Рамштейн" форматидаги алоқа гуруҳи йиғилишида тасдиқлади.