2024 йилнинг дастлабки уч ойида Ўзбекистонда 48 582 та никоҳ қайд этилган, бу ўтган йилнинг шу даврига нисбатан 900 тага кам, дея хабар беради Статистика агентлиги.

2024 йилнинг январ-март ойларида ўртача никоҳ ёши аёлларда 23,3 ёш, эркакларда 28,2 ёшни ташкил қилди. Рўйхатга олинган никоҳларнинг энг катта улуши 25 ёшгача бўлган аёллардир, бу барча никоҳларнинг 77,2 фоизини ташкил қилади.

2024 йилнинг январ-март ойларида қайд этилган ажралишлар сони 11,5 мингтани ташкил этиб, 2020-йилнинг мос даврига нисбатан 3,7 мингтага ёки 1,5 баробар кўпдир.

Бу даврда ажралишларнинг 5301 нафари (46,2 фоизи) фарзандсиз, 3402 нафари бир болали (29,6 фоиз), 2778 нафари икки ва ундан ортиқ фарзандли (24,2 фоиз) ни ташкил этди.

2024 йилнинг январ-март ойларида ажрашган шахсларнинг ўртача ёши эркакларда 37,4 ёш, аёлларда 32,5 ёшни ташкил қилди. Ажралишларнинг энг катта улуши 35 ёшгача бўлган аёллар ўртасида бўлиб, барча ажралишларнинг 62,5 фоизини ташкил этади.