Жорий йилнинг 24 апрел куни Қишлоқ хўжалигига оид технологиялар трансфери бўлими ташаббуси билан Чехиянинг “БМТ тиббиёт технологияси” компанияси вакили Мирослав Мусил учрашув ташкил қилинди.

Учрашув доирасида мазкур компаниянинг STABFOR ҳамда BIONANOSTOP сувни тозаловчи инновацион технологияларининг тақдимоти бўлиб ўтди.

Тақдимотда технологияни қўллаш натижасида суғориладиган экинлар ва ўсимликларни микроорганизмлар келтириб чиқарадиган касалликлардан ҳимоя қилиш, суғориладиган экинлар етиштиришнинг кўпайиши ва ҳайвонларнинг саломатлигини яхшилаш таъминланади.

Учрашув якунида мазкур технологияни деҳқон хўжалиги томорқаларида тажриба сифатида қўллашга келишилди.