Озарбайжон ва Ўзбекистон ўртасида қишлоқ хўжалиги соҳасида қўшма лойиҳалар амалга оширилмоқда, деб хабар беради Kazinform агентлиги ЎзАга таяниб.

Ўзбекистон қишлоқ хўжалиги вазирлиги делегацияси Озарбайжонга ташрифи чоғида икки давлат ўртасидаги ҳамкорликни кенгайтириш мақсадида Қишлоқ хўжалиги вазири Межнун Маммадов билан учрашди.

Учрашув доирасида Тошкент вилоятида озарбайжон фундуқ навларини экиш, Озарбайжоннинг Физулий туманида анор ва бошқа мева боғларини барпо этиш масалалари муҳокама этилди.

Шунингдек, Қишлоқ хўжалигига хизмат кўрсатиш агентлиги фаолияти ўрганилиб, ҳамкорлик масалалари муҳокама этилди.