Тошкент халқаро аэропортида авиақатновлар сони ошиши ва йўловчилар оқими кўпайиши ҳисобга олиниб, рўйхатдан ўтиш жараёнига янги қоидалар жорий этилди. Бу ҳақда Uzbekistan Airways хабар берди.

Қайд қилинишича, энди Uzbekistan Airways халқаро авиақатновларига рўйхатдан ўтиш вақти парвозга 40 дақиқа эмас, 1 соат қолганда тугатилади.

Парвозолди жараёнларидан ўтиш учун зарур бўлган қўшимча вақтни ҳисобга олган ҳолда, йўловчилардан аэропортга эртароқ етиб келиш сўралмоқда.