![Detail image](https://dnews.uz/img/assets_front/img/news/aniq/aniq66a3e5a043eb4.jpeg)
Ижтимоий тармоқларда “UzAvto Motors” АЖ онлайн савдо платформаси учун 36,6 миллиард сўмга хавфсизлик комплексини сотиб олганлиги ҳақида маълумотлар тарқалди.
Ўзбекистон Республикасининг амалдаги давлат харидлари тўғрисидаги қонун ҳужжатларига мувофиқ, дастурий-техник комплексни харид қилиш юзасидан тендер ўтказилганлигини маълум қиламиз.
Дастурий-техник комплексни харид қилиш бўйича тендер жараёни тартиби ҳамда харажатлар ва техник топшириқлар бўйича Экспертиза марказининг хулосаси билан etender.uzex.uz сайти орқали онлайн режимда танишишингиз мумкин.
Таъкидлаш жоизки, дастурий-техник комплекс онлайн савдо платформаси майдончаси хавфсизлигини таъминлаш, шунингдек, реал вақт режимида автомобиль сотиб олишда киберҳужумлар, фирибгарлик ва бошқа ноқонуний хатти-ҳаракатларнинг олдини олиш учун зарурдир.