Украина Мудофаа вазирлигининг Бош разведка бошқармаси Magura V5 денгиз учувчисиз учоқлари ёрдамида Қора денгизда Россиянинг кўплаб кемаларини уришга муваффақ бўлди. Бу ҳақда Андрей Юсов маълум қилди.

Унинг таъкидлашича , дастлабки ҳисоб-китобларга кўра, Россия Қора денгиз флотига етказилган зарар тахминан 500 миллион долларни ташкил этади.

Юсовнинг сўзларига кўра, дрон ишлаб чиқарувчилари Россия флоти ва ходимларини мағлуб этишнинг ўзига хос воситасини яратиб, «аъло иш» қилган.

Юсовнинг таъкидлашича, украиналик операторлар қўлидаги Magura дронлари Россия Қора денгиз флотини йўқ қилишнинг самарали воситасига айланган.