УЕФА расмий сайти ёзда Евро-2024 баҳсларини бошқарадиган ҳакамлар рўйхатини маълум қилди.

Унга кўра, УЕФА Ҳакамлар қўмитаси турнир учун 18 нафар бош ҳакамни танлаган. Булар - Артур Суареш Диаш (Португалия), Хесус Хил Мансано (Испания), Марко Гуида (Италия), Иштван Ковач (Руминия), Иван Кружляк (Словакия), Франсуа Летексье (Франция), Данни Маккели (Нидерландия), Шимон Марциняк (Полша), Халил Мелер (Туркия), Гленн Нюберг (Швеция), Майкл Оливер (Англия), Даниэле Орсато (Италия), Сандро Шерер (Швейцария), Даниэль Зиберт (Германия), Энтони Тэйлор (Англия), Клеман Тюрпен (Франция), Славко Винчич (Словения), Феликс Цвайер (Германия).

Шунингдек, УЕФА ва КОНМЕБОЛ ўртасидаги келишувга кўра, Евро-2024да аргентиналик Факундо Тельо ва унинг икки ёрдамчиси ҳам ишлайди.

Маълумот учун, Евро-2024 баҳслари 14 июндан 14 июлга қадар Германиядаги 10та шаҳарда бўлиб ўтади.