Сурхондарё вилоятининг Денов туманида валюта айирбошлаш билан шуғулланган эркакнинг жасади топилди. Бунгача вилоят ИИБ Даҳан маҳалласида яшовчи 38 ёшли фуқаронинг ғойиб бўлгани ҳақида хабар берган эди. Фуқаро 16 апрель куни уйидан чиқиб кетган ва қайтиб келмаган. Унинг қаерда эканлиги ҳақидаги маълумот учун 10 миллион сўм мукофот пули ҳам ваъда беришган.

Йўқолган эркакнинг жасади 26 апрель, жума куни Нурли Манзил маҳалласидаги уйлардан бирининг молхонасидан топилган. Ҳуқуқ-тартибот идоралари ходимлари гумонланувчини қўлга олди. Маълум бўлишича, у жабрланувчидан 40 миллион сўм олиб, қочиб юрган.