Швеция бош вазири Ульф Кристерссон Туркия президенти Тойиб Эрдўғонга Швециянинг НАТОга аъзо бўлиши ҳақидаги протоколни парламентга киритгани учун миннатдорчилик билдирди.

Бу ҳақда Швеция бош вазири “Х” ижтимоий тармоғида ёзди.

"Президент Эрдўғон Швециянинг НАТОга аъзо бўлиши ҳақидаги протоколни имзолаб, уни Туркия Буюк Миллат Мажлисига тақдим этганини олқишлаймиз. Парламент жараёнлари энди бошланади. НАТОга аъзо бўлиш имкониятини интиқлик билан кутамиз", - дейди Швеция бош вазири.

Эслатиб ўтамиз, Швециянинг НАТОга қабул қилиниши ҳақидаги протокол ҳозиргача альянснинг 31 давлати томонидан ратификация қилинган, фақат Туркия ва Венгрия уни маъқулламаган.