Мадриднинг “Реал” клуби сафарда “Реал Сосьедад”ни мағлуб этиб (1:0) чемпионлик сари яна бир қадам ташлади. Учрашувдаги ягона гол 29-дақиқада киритилди ва бу голга Арда Гюлер муаллифлик қилди.

"Лос-Бланкос" 33-турдан кейин 84 очко тўплади. "Реал Мадрид" чемпионликни қўлга киритиш учун яна бор-йўғи 4 очко олиши керак.

Шу тариқа, Карло Анчелотти шогирдлари 11 май куни “Гранада”га қарши сафар ўйинида, агар ўз уйида “Кадис”га ютқазмаса (4 май) олтин медални нишонлаши мумкин. Бўлажак чемпионлик "Реал"нинг тарихидаги 36-ғолиблиги бўлади. Қироллик клуби Ла Лигадаги сўнгги чемпионлигини 2022 йилда қўлга киритган.