Чеченистон раҳбари Рамзан Қодиров ўзининг Телеграм-каналида унинг ўн олти ёшли ўғли Адам Қодиров Владимир Путин номидаги Россия махсус кучлари университети (РУС) куратори этиб тайинланганини маълум қилди.

«...Азиз биродарим, Россия махсус кучлари университети раҳбари Байбетар Вайхоновнинг илтимосига биноан мен Адам Қодировни РУСга куратор этиб тайинлашга қарор қилдим», — дейди у.

Вилоят раҳбарининг қўшимча қилишича, Адам мазкур университет фаолияти билан яқиндан таниш, шунинг учун у зиммасига юкланган масъулиятни аъло даражада бажара олади.

Ўтган декабрь ойида Адам Қодиров Байсангур Беноевский батальонига куратор бўлгани ҳақида хабар берилган эди.

Февраль ойида Адам Қодиров БААда ўтказилган махсус бўлинмаларнинг жамоавий мусобақасида медаль олди, унда у иштирок этмади.

Бунгача Давлат Думаси депутати Дмитрий Кузнетсов «Чечен Ахмат» баталонининг болалар версиясини яратишни муҳим ва фойдали ташаббус деб атади.

Аввалроқ Грознийда Қодировнинг ўғли Қуръонни ўт қўйган шахсни калтаклаган тергов изолятори ходимлари жазоланган эди .