![Detail image](https://dnews.uz/img/assets_front/img/news/aniq/aniq66a1eca42393a.jpeg)
Россияда ишлаб чиқарилиши кўзда тутилган “Атом” электромобилини Хитойда йиғиш режалаштирилмоқда. Гарчи унинг лойиҳасини ишлаб чиққанлар аввалдан буюртмани йиғишни бошлаб юборган бўлса-да, ҳозирча автомобил ишлаб чиқарилмаяпти, деб ёзмоқда РБК.
Электромобил лойиҳасини ишлаб чиққан “Кама” АЖ ва Россия тўғридан тўғри инвестициялар фонди (РФПИ) Хитойнинг XY Group («Сюан Юан») халқаро корпорациясини жалб қилишга келишиб олган, деб хабар бермоқда фонднинг матбуот хизмати. Ҳамкорликка кўра “Атом”ни Хитой бозорида ўтказиш, шунингдек, Ҳарбин шаҳрида электромобилни ишлаб чиқариш учун саноат майдони ва қувватларни излаб топиш назарда тутилган. Режаларда Хитойда қўшма тадқиқот ва ишланмалар маркази тузиш ҳам бор.
Бугунга келиб бу автомобил учун 105 мингдан зиёд аввалдан буюртмалар олинган.
РБКнинг аниқлик киритишича, “Атом” 7 сонияда 100 km/h тезликка эришади, автомобилнинг юриш захираси эса 500 kmʼни ташкил этади. “Атом” дизайнини Италиядаги бюролардан бири ишлаб чиққан.