Япония пойтахти Токио шаҳрида профессионал бокс оқшоми ташкил этилди.

Кечанинг марказий жангида иккинчи енгил вазн тоифасида (-55,3 кг) мутлақ жаҳон чемпиони Наоя Иноуэ мексикалик Луис Нерига қарши жанг қилди.

Баҳснинг илк раундида япониялик боксчи нокдаун ҳолатига тушиб қолди, аммо у тезда ўзига келди ва иккинчи раундда рақибини нокдаунга туширди. 6-раундга келиб Иноуэ рақибини нокаутга учратди.

Шу тариқа, Иноуэ ўзига тегишли WBC, WBA, IBF ва WBO камарларини ўзида сақлаб қолди.

Маълумот учун, ҳамюртимиз Муроджон Аҳмадалиев ўз жангларини ушбу вазн тоифасида ўтказади.