Москва вилоятидаги маҳаллий кенгашга сайловда ғалаба қозонган ўзбекистонлик шахс тўрт кундан сўнг мандатини топширди

“Единая Россия” партиясидан Пушкин муниципиал кенгаши депутати этиб сайланган Баҳромжон Хасанов сайловда ғалаба қозонганидан тўрт кун ўтиб истеъфога чиқди. Бу ҳақда партия вакиллари маълум қилди. Хасановнинг истеъфосига нима сабаб бўлгани очиқланмаган.

Маълумотларга кўра, Баҳромжон Хасанов Ўзбекистонда туғилган бўлиб, ҳозирда Россия фуқароси ҳисобланади.