Қатарнинг Al-Jazeera телеканали хабар беришича, Исроил ҳарбийлари Ғарбий Соҳил бўйидаги айрим шаҳарларда ўтказган рейдлар чоғида қаршиликка учраган.

Телеканал маълумотларига кўра, рейдлар асосан Силван, Тубас, Тулкарим ва Хеврон шаҳарларида ўтказилган. Фаластиннинг WAFA ахборот агентлиги Исроил кучларининг ҳаракатлари Тубас шаҳрида тўқнашувларга сабаб бўлганини хабар қилди. Интернетда жойлаштирилган видеоларда отишма овози эшитилади. Қурбонлар ва жароҳатлар ҳақида маълумот берилмаган.