Берлиннинг «Динамо» клубининг «Энерги Котбус» футбол клубига қарши ўйини тартибсизликлар ва полиция билан шиддатли тўқнашувлар билан якунланди. Бошланиш ҳуштаги чалинганидан тахминан 20 дақиқа ўтгач, ҳакам ўйинни тўхтатиб, жамоаларни кийиниш хоналарига юборишга мажбур бўлди.

Гап шундаки, берлинлик мухлислар оммавий равишда Коттбус мураббийи Клаус-Дитер Волицга таҳдид қилиб, трибунадан унга қараб турли хил нарсаларни улоқтира бошлашган. Полиция мухлисларни тинчлантиришга уринганида, муштлашув бошланиб, камида 155 нафар ҳуқуқ-тартибот ходими жароҳатланган. Уларнинг аксарияти кўздан ёш оқизувчи газдан, 28 нафар полициячи тўғридан-тўғри жисмоний ҳужумдан, яна 11 нафари пиротехника воситаларидан фойдаланишдан бўлган.

«Динамо» ва «Котбус» ўртасидаги ўйин дастлаб хавфли деб таснифланган эди, чунки икки жамоанинг Котбусдаги олдинги учрашуви Берлин клуби мухлислари меҳмони бўлган ҳудудда тартибсизликлар билан якунланган эди.

Полиция тартибсизликларда иштирок этган қанча футбол ишқибози ҳибсга олинганига аниқлик киритмади.