Бухорода ҳуқуқ-тартибот идоралари ҳамкорликда тезкор тадбир ўтказди.

58 ёшли эркак Ромитан тумани ҳокимлиги томонидан 10 йил муддатга ижарага берилган 35 гектар ерни ваколатли танишлари орқали бошқа бир фуқаронинг номига расмийлаштиришни ваъда қилиб, эвазига 30 минг АҚШ доллари ва 20 миллион сўм миқдоридаги пулни олаётган вақтида ашёвий далиллар билан қўлга олинган.

Мазкур ҳолат юзасидан жиноят иши қўзғатилиб, ҳозирги кунда дастлабки тергов ҳаракатлари олиб борилмоқда.