Эрон Атом энергияси ташкилоти директори Муҳаммад Эсламийнинг айтишича, мамлакат жануби-ғарбидаги янги Карун атом электр станциясида биринчи реактор қурилиши 2024 йилнинг кузида бошланади.

Унинг сўзларига кўра, кузда янги атом электр станцияси энергия блоки конструкциялари мажмуаси пойдевори учун биринчи бетон қуйилади. Режалаштирилган қуввати 300 мегаватт.

Муҳаммад Эсламий, Карун атом электр станцияси лойиҳасининг монархия даврига бориб тақалишини, станция французлар томонидан қурилиши керак бўлганини, бироқ Ислом инқилобидан кейин Франция лойиҳадан воз кечганини айтди.

Эрон 2041 йилгача жанубий қирғоқларида бешта атом электр станцияси қуришни режалаштирмоқда.