30 апрелдан Буюк Британия Европа Иттифоқи (ЕИ) ҳудудидан ўсимлик ва ҳайвонот маҳсулотлари – гўшт, балиқ, пишлоқ, тухум, гуллар ва кўчатлар олиб келинган юк машиналари ва контейнерларни текширишни бошлади.

Бу 2021 йилдан кейин Европа Иттифоқидан озиқ-овқат ва ўсимликларни олиб кириш тартибига киритилган иккинчи йирик ўзгаришдир.

Аввалроқ – жорий йилнинг январь ойида ўрта ва юқори хавфли импорт қилинадиган барча маҳсулотлар (масалан, гўшт ва сут маҳсулотлари) Буюк Британияга олиб киришдан олдин махсус сертификатга эга бўлиши кераклиги ҳақида қарор қабул қилинган эди. Бу хориждан касаллик ва зараркунандалар кириб келишининг олдини олади, дейди расмийлар.