Қозоғистоннинг Олмаота шаҳрида “IBA Чемпионлар оқшоми” мусобақаси бўлиб ўтди.

Турнирнинг марказий жангида ўзбекистонлик боксчи Саиджамшид Жаъфаров Қозоғистон вакили Талгат Шайкенга қарши жанг қилди.

Жанг Саиджамшиднинг очколар эвазига (79-73, 76-76, 80-72) ғалабаси билан якунланди ва IBA Asia камарини қўлга киритди.

Эслатиб ўтамиз, Жаъфаров дастлаб Дониёр Элеусиновга қарши жанг қилиши айтилган эди. Бироқ Дониёр жароҳат олгани боис, унинг ўрнини Шайкен эгаллади.