Қўшма Штатлар гегемонлик мақомини йўқотди, Хитой эса супер давлатга айланмоқда. Бу ҳақда Европа дипломатияси раҳбари Жосеп Боррел Буюк Британиянинг Оксфорд университетидаги нутқи чоғида айтиб ўтди.

«Совуқ урушдан кейин биз яшаган халқаро тузум ўз фаолиятини тўхтатди, Америка гегемонлик мақомини йўқотди, 1945 йилдан кейин вужудга келган дунё тартиби эса ўз ўрнини йўқотмоқда. Шунингдек, биз Хитойнинг юксалиши ва супер давлат сифатида пайдо бўлишини кўрмоқдамиз», — деди Боррел.