Арманистон Украина билан урушда Россиянинг иттифоқчиси эмас, деди Арманистон бош вазири Никол Пашинян CNN Prima News телеканалига берган интервюсида.

"Бу ҳеч қачон баланд овозда айтилмаган, лекин менимча, бу шуни кўрсатадики: Украина билан урушда биз Россиянинг иттифоқчиси эмасмиз", - дейди у.

Унинг сўзларига кўра, Ғарбда Арманистон Россиянинг иттифоқчиси деган фикрда бўлса, Россия Ереванни Украина билан урушда унинг иттифоқчиси эмаслигини билади. "Биз бу вазиятда иттифоқчи бўлмасак, демак, зарбаларга таъсирчанмиз”, - дейди Пашинян. "Ҳақиқат шундаки, вазият қанчалик қийин бўлса, маневр қилиш имконияти шунчалик тораяди. Биз маневр қилганимиз бизда фикримиз йўқлиги учун эмас, балки бошқа ташвишларимиз кўплиги учундир”.

Ўтган йилнинг ноябр ойида Ереванда бўлиб ўтган КХШТ саммитида Никол Пашинян КХШТ Коллектив хавфсизлик кенгаши декларацияси лойиҳаси ва Арманистонга ёрдам кўрсатиш бўйича қўшма чора-тадбирлар тўғрисидаги ҳужжатни имзолашдан бош тортган эди.

2023 йил январида Арманистон ўз ҳудудида КХШТ машғулотларини ўтказишдан бош тортди ва уларни ҳозирги вазиятда “номақбул” деб ҳисоблади.

Пашинян аввалроқ Арманистонга КХШТдан чиқиши эҳтимолини ҳам айтган эди