Ғазодан қайтган америкалик яҳудий ортопед-жарроҳ Марк Перлмуттер CBS News телеканалига берган интервьюсида исроиллик снайперлар болаларни атайлаб отиб ўлдираётганини айтди.

“Менда иккита боланинг сурати бор, уларни шахсан ўзим суратга олганман. Улар шунчалик аниқ отишганки, мен уларнинг юракларига стетоскопни аниқроқ жойлаштира олмасдим. Ҳеч бир бола «дунёнинг энг яхши снайпери» дан хато билан икки марта ўқ емайди. Ва бу атайлаб тўғридан-тўғри отилган ўқлар", дейди шифокор.

«Мен кўрган барча офатлар – 40 та кўнгилли саёҳатларим, 30 йил, зилзилалар, буларнинг барчаси бирга – Ғазодаги биринчи ҳафтамдаги тинч аҳоли орасида кўрган қирғинларимнинг даражаси билан солиштириб бўлмайди. Мен бутун умрим давомида кўрганимдан кўра кўпроқ болаларнинг куйиб кетганини кўрдим. Мен биринчи ҳафтадаёқ жуда кўп сонли фақат жароҳатланган болаларни кўрдим... баъзи қисмлари йўқолган таналар, портлашлардаги биноларда эзилган болалар... Саккиз ёшли болалардан бош бармоғимдек бўлакларни топа олдик холос».