Украина Мустақил Давлатлар Ҳамдўстлиги (МДҲ) доирасида соғлиқни сақлаш соҳасида ҳамкорлик тўғрисидаги келишувдан чиқди. Бу ҳақда ҳукуматнинг Олий Рададаги вакили Тарас Мельничук ўзининг Телеграм-каналида маълум қилди.

“Вазият тубдан ўзгариши муносабати билан Украина 1992 йил 26 июнда Минскда имзоланган [МДҲ доирасидаги] соғлиқни сақлаш соҳасида ҳамкорлик тўғрисидаги битимдан чиқди”, – деб ёзади у.

Украина келишувга ўзгартириш ва қўшимчалар киритиш бўйича иккита протоколдан ҳам чиқди. Украина ҳукумати мунтазам равишда Россия, Беларусь, Сурия, шунингдек, МДҲ доирасида тузилган шартномалардан чиқишини эълон қилади.