Россиянинг Ставрополь ўлкасида ҳалокатга учраган Ту-22М3 бомбардимончи самолёти Украина томонидан уриб туширилган. Бу ҳақда Украина Қуролли кучлари хабар берди.

Самолёт ҳаво кучларининг зенит-ракета бўлинмалари томонидан Украина Разведка бош бошқармаси билан ҳамкорликда уриб туширилган.

Идора даъво қилишича, бундай самолёт биринчи марта уриб туширилган бўлиб, у Россия қўшинлари томонидан Украинанинг тинч шаҳарларига ҳужум қилишда қўлланиладиган Х-22 қанотли ракеталарни ташувчи самолёт деб таърифланмоқда.

Аввалроқ Россия Мудофаа вазирлиги Ставрополда Ту-22М3 самолёти ҳалокатга учрагани, учувчилар катапульта қилгани ҳақида хабар берганди. Аммо идора ҳалокатга, дастлабки маълумотларга кўра, техник носозлик сабаб бўлганини қайд этганди.